മെൽബൺ: ശ്രീ നാരായണ ഗുരുദേവ സൊസൈറ്റി ഓസ്ട്രേലിയ യുടെ ഈ വർഷത്തെ വിഷു ആഘോഷം, എപ്പിംഗ്, ഗലാഡാ കമ്മ്യൂണിറ്റി സെന്റർ ഹാളിൽ നടന്നു. ഏപ്രിൽ 20-നു നടന്ന ലളിതമായ ചടങ്ങിൽ ഈശ്വരപ്രാർത്ഥനയോടെ തുടങ്ങിയ പരിപാടികൾ, വിഷുക്കണി, വിഷുക്കൈനീട്ടം, കുട്ടികൾക്കുള്ളകലാമത്സരങ്ങൾ എന്നിവയ്ക്ക് ശേഷം വിഷു സദ്യയോടെ സമാപിച്ചു.
വർക്കല ശിവഗിരി മഠത്തിൽ നിന്നും ബ്രഹ്മശ്രീ ഗുരുപ്രസാദ് സ്വാമികൾ ചടങ്ങിനിടെ എല്ലാവർക്കും വിഷുആശംസകൾ നേർന്നു.
പുതിയ അംഗങ്ങളെ ചടങ്ങിൽ പരിചയപ്പെടുത്തി. എല്ലാ മാസവും നടത്തപ്പെടുന്ന പ്രാർത്ഥനാകൂട്ടായ്മയിലും മറ്റു പരിപാടികളിലും പങ്കെടുക്കാൻ താത്പര്യമുള്ളവർ ശ്രീ നാരായണ ഗുരുദേവസൊസൈറ്റി ഓസ്ട്രേലിയ (SNGSA)യുമായി ബന്ധപ്പെടുക: 04 017 641 29, 04 509 64 057.
വാര്‍ത്ത : സീതാരാമന്‍
