സിഡ്‌നി: മലങ്കര ഓർത്തഡോക്സ് സഭയുടെ സീനിയർ വൈദികനും, ചെങ്ങന്നൂർ ഭദ്രാസന അംഗവുമായ ബഹു. തോമസ് തേക്കിൽ കോർ എപ്പിസ്പ്പിസ്കോപ്പ സിഡ്നിയിൽ നിര്യാതനായി. ബഹു അച്ചൻ, തിരുവനന്തപുരം ഭദ്രാസന പ്രഥമ മെത്രാപ്പോലീത്ത പുണ്യശ്ലോകനായ ഗീവർഗീസ് മാർ ദീയസ്കോറോസ് മെത്രാപ്പോലീത്തയുടെ സെക്രട്ടറിയായും, 1985 മുതൽ 88 വരെ തിരുവനന്തപുരം ഭദ്രാസന സെക്രട്ടറിയുമായി സേവനമനുഷ്ഠിക്കുകയും ചെയ്‌തിട്ടുണ്ട്‌. നിലവിൽ ചെങ്ങന്നൂർ ഭദ്രാസനത്തിലെ സീനിയർ വൈദികനാണ്. കല്ലുങ്കൽ സെന്റ് ഇഗ്‌നേഷ്യസ് ഓർത്തഡോക്സ് പള്ളി ആണ് മാതൃഇടവക.
മകളെയും കുടുംബത്തേയും കാണാനായി നാട്ടിൽ നിന്ന് സിഡ്നിയിൽ എത്തിയതായിരുന്നു. ചൊവ്വാഴ്ച രാത്രിയിൽ ഭവനത്തിൽ വച്ചാണ് മരണം സംഭവിച്ചത്. സംസ്കാരം പിന്നീട്.
