ടൂവുമ്പ: തുമ്പപ്പൂക്കളും മഞ്ഞത്തുമ്പികളും ഓര്‍മ്മകളിലോടിയെത്തിയ ടൂവുമ്പ മലയാളി അസ്സോസ്സിയേഷൻ ഓണാഘാഷം. ഓസ്‌ട്രേലിയയിലെ ക്യൂൻസ്ലാൻഡിലുള്ള ടൂവുമ്പ പട്ടണം സെപ്തംബര് പതിനാലു ശനിയാഴ്ച അതിഗംഭീരമായി ഓണാഘോഷപരിപാടികൾ നടത്തി. അത്തപൂക്കളവും , മാവേലിയും , ഓണസദ്യയും വിവിധകലാപരിപാടികളുമായി നൂറുകണക്കിന് മലയാളികൾ ഒത്തുകൂടിയപ്പോൾ മറ്റൊരു മലയാളനാടാണ് ശാന്തസമുദ്രത്തിനപ്പുറത്തെ മലമുകളിലുള്ള പട്ടണം ഓർമിപ്പിച്ചത്. തുവുമ്പ മലയാളി അസ്സോസ്സിയേഷൻ പുതിയ ഭാരവാഹികളെയും അന്നേ ദിവസം തെരെഞ്ഞെടുത്തു. സ്ഥാനമൊഴിഞ്ഞ പ്രസിഡണ്ട് ശ്രീ പ്രസാദ് ജോണിന്‍റെ നേതൃത്വത്തിൽ ഇലക്ഷൻ കമ്മീഷണർ ശ്രീ ഷിജു ചെട്ടിയാത്ത് ആണ് തെരെഞ്ഞെടുപ്പ് ഔദ്യോഗികമായി നടത്തി പുതിയഭാരവാഹികളെ പ്രഖ്യാപിച്ചത്. ശ്രീ പോൾ വര്ഗീസിന്‍റെയും (പ്രസിഡന്റ്) ശ്രീ തോമസ് മാത്യുവിന്‍റെയും (സെക്രട്ടറി ) നേതൃത്വത്തിൽ പുതിയ ഭാരവാഹികൾ നിലവിൽ വന്നു.
വാര്‍ത്ത : ഷിജു തോമസ്
