സിഡ്നി : സിഡ്നി മലയാളി അസോസിയേഷൻ സിഡ്നിയിലെ മലയാളി കൂട്ടായ്മകളുടെ സഹകരണത്തോടെ നടത്തുന്ന കേരളത്തിലെ പ്രളയനാന്തര പുനർനിർമ്മാണ പ്രവർത്തങ്ങളുടെ ധനശേഖരണാർത്ഥം സംഘടിപ്പിക്കുന്ന കാർണിവൽ ഏപ്രിൽ 27 ശനിയാഴ്ച ലിവർപൂൾ വിറ്റ്ലാം സെന്ററിൽ വെച്ചു നടക്കുന്നു . വിവിധ ഫുഡ് സ്റ്റാളുകൾ ,ഗെയിം സ്റ്റാളുകൾ ,കിഡ്സ് എന്റർടൈൻമെന്റ് സ്റ്റാളുകൾ , അപൂർവ വസ്തുക്കളുടെ ലേലം ,വൈവിധ്യമാർന്ന കലാപരിപാടികൾ ,ഓസ്ട്രേലിയൻ മണ്ണിൽ ആദ്യമായി ഇരുനൂറിലധികം വനിതകൾ പങ്കെടുക്കുന്ന മെഗാ തിരുവാതിര തുടങ്ങി ഒരു ദിവസം മുഴുവൻ കുടുംബമായി ചിലവഴിക്കാൻ ഒരുക്കപ്പെടുന്ന ഈ കാർണിവെലിൽ പങ്കെടുക്കുവാൻ സിഡ്നിയിലെ എല്ലാ മലയാളികളെയും സ്നേഹപൂർവ്വം ക്ഷണിക്കുന്നു.
രാവിലെ 12 മണിക്ക് ആരംഭിക്കുന്ന കാർണിവൽ രാത്രി 9 മണി വരെ നീണ്ടു നിൽക്കും.വൈകിട്ട് 5 മണിക്കു ആരംഭിക്കുന്ന മെഗാ തിരുവാതിരയ്ക്കും തുടർന്ന് നടക്കുന്ന പ്രത്യേക കലാ പരിപാടികൾക്കും ടിക്കറ്റ് നിരക്ക് മുതിർന്നവർക്ക് 15 ഡോളറും , കുട്ടികൾക്ക് 10 ഡോളറുമാണ്.ആദ്യ ടിക്കറ്റ് വില്പന ഫെബ്രുവരി 8 നു നടന്ന ചടങ്ങിൽ സിഡ്നി മലയാളി അസോസിയേഷൻ പ്രസിഡന്റ് കെ .പി .ജോസ് യുണൈറ്റഡ് ഇന്ത്യ അസോസിയേഷൻ വൈസ് പ്രസിഡന്റ് ബാബു വര്ഗീസിന് നൽകി നിർവഹിച്ചു.
സിഡ്നി മലയാളി അസോസിയേഷൻ ഏറ്റെടുത്തിരിക്കുന്ന 7 പദ്ധതികൾ
1 . എറണാകുളം ജില്ലയിലെ കടമക്കുടി വില്ലേജിൽ പ്രളയത്തിൽ പൂർണമായും തകർന്ന 5 വീടുകൾ പുതുതായി നിർമ്മിച്ച് നൽകുന്നു
2 .പാലക്കാട് ജില്ലയിൽ വീടും സ്ഥലവും നഷ്ടപെട്ട ഒരാൾക്ക് സ്ഥലം വാങ്ങി നൽകുകയോ വീട് നിർമ്മിച്ചു നൽകുകയോ ചെയ്യുന്നു.
3.ആലപ്പുഴ ജില്ലയിലെ പുല്ലങ്ങാടിയിൽ പ്രളയത്തിൽ തകർന്ന കുടിവെള്ള ടാങ്കിന്റെ പുനർ നിർമ്മാണം.
ഈ പദ്ധതികൾക്കായി 21 ലക്ഷം രൂപയാണ് ചെലവ് പ്രതീക്ഷിക്കുന്നത് .സിഡ്നി മലയാളികളുടെ അകമഴിഞ്ഞ പിന്തുണ പ്രതീക്ഷിക്കുന്നു.