സിഡ്നി മലയാളി അസ്സോസിയേഷൻ വനിതാ ഫോറം എസ് ബി എസ് മലയാളത്തിന്റെ സഹകരണത്തോടെ സംഘടിപ്പിച്ച ദീപാവലി ആഘോഷം ഉത്സവലഹരി തീർത്തു. നവംബർ 12 ശനിയാഴ്ച വൈകിട്ട് 5 മണി മുതൽ കാർലിങ് ഫോർഡിലുള്ള The Don Moore കമ്യൂണിറ്റി സെന്ററിൽ വെച്ചു നടന്ന ആഘോഷപരിപാടിയിൽ വൈവിധ്യമാർന്ന കലാപരിപാടികൾ അരങ്ങേറി. കുട്ടികൾ അണിനിരന്ന ഫാൻസിഡ്രസ്സ് അവതരണവും അൻപതിലധികം വനിതകൾ അണിനിരന്ന മെഗാ ഡാൻസും വേറിട്ട അനുഭവമായിരുന്നു. പ്രശസ്ത മനോരോഗ വിദഗ്ദൻ ഡോക്ടർ രാജീവ് ജയറാം അവതരിപ്പിച്ച മാനസിക ആരോഗ്യ ബോധവൽക്കരണ ക്‌ളാസും, ശ്രീ ശിവദാസ് പിള്ള രചിച്ച “യൂറോപ്യൻ ഗ്രാമങ്ങളുടെ ജീവതാളം” എന്ന പുസ്തകത്തിന്റെ പ്രകാശനവും ആഘോഷത്തിന്റെ ഭാഗമായി നടന്നു. ആഭരണങ്ങളുടെയും വസ്ത്രങ്ങളുടെയും സ്റ്റാളുകൾക്കൊപ്പം വിവിധ ഭക്ഷണ സ്റ്റാളുകളും ആഘോഷവേദിയിൽ ഒരുക്കിയിരുന്നു. ആഘോഷങ്ങൾക്ക് വിമൻസ് ഫോറം പ്രവർത്തകർ നേതൃത്വം നൽകി.
