സെപ്റ്റംബറിൽ ഒടിടി പ്ലാറ്റ്ഫോമുകളിലൂടെ റിലീസ് ചെയ്യുന്ന പ്രധാന സിനിമകളും സീരിസുകളും ഏതൊക്കെയെന്ന് നോക്കാം.
വിജയ് ദേവരകൊണ്ടയെ നായകനാക്കി പുരി ജഗന്നാഥ് സംവിധാനം ചെയ്ത ചിത്രം ലൈഗർ ഹോട്ട്സ്റ്റാറിൽ സെപ്റ്റംബർ 22 നു റിലീസ് ചെയ്തു. പാൻ ഇന്ത്യൻ റിലീസായി തിയറ്ററുകളിലെത്തിയ ചിത്രത്തിൽ രമ്യ കൃഷ്ണന്‍, റോണിത് റോയ്, വിഷു റെഡ്ഡി, ആലി, മകരന്ദ് ദേശ്പാണ്ഡെ, ഗെറ്റ് അപ് ശ്രീനു എന്നിവരായിരുന്നു പ്രധാനവേഷങ്ങളിലെത്തിയത്.
ധനുഷ്–നിത്യ മേനൻ എന്നിവരെ പ്രധാന കഥാപാത്രങ്ങളാക്കി മിത്രൻ ആർ. ജവഹർ സിനിമ സംവിധാനം ചെയ്ത ചിത്രം തിരുച്ചിറ്റമ്പലം സൺ നെക്സ്റ്റ് ഓ റ്റി റ്റി -യിൽ സെപ്റ്റംബർ 23 -നു എത്തി. അവതരണംകൊണ്ടും അഭിനേതാക്കളുടെ പ്രകടനംകൊണ്ടും അനിരുദ്ധിന്റെ പാട്ടുകൾ കൊണ്ടും ചിത്രം പ്രേക്ഷക ശ്രദ്ധനേടി.
തമന്ന ഭാട്ടിയയെ പ്രധാന കഥാപാത്രമാക്കി മധുർ ഭണ്ഡാർക്കർ സംവിധാനം ചെയ്യുന്ന ചിത്രം ബബ്ലി ബൗൺസർ ഹോട്ട്സ്റ്റാറിൽ സെപ്റ്റംബർ 23 നു എത്തി. ഫയൽവാൻ ആകാൻ കൊതിക്കുന്ന പഞ്ചാബി പെൺകുട്ടിയുടെ കഥയാണ് ചിത്രം പറയുന്നത്. അമിത് ജോഷി, ആരാധന ദേബ്നാഥ് എന്നിവരാണ് മറ്റ് താരങ്ങൾ.
ആര്യ നായകനായി എത്തിയ സയൻസ് ഫിക്‌ഷൻ ത്രില്ലര്‍ ക്യാപ്റ്റൻ സീ5-വിൽ സെപ്റ്റംബർ 30 -നു എത്തും. ശക്തി സൗന്ദർ രാജൻ സംവിധാനം ചെയ്ത ചിത്രം സെപ്റ്റംബർ എട്ടിനാണ് തിയറ്ററുകളിൽ എത്തിയത്. ഐശ്വര്യ ലക്ഷ്മി, കാവ്യ ഷെട്ടി, ഹരീഷ് ഉത്തമൻ, സിമ്രാൻ എന്നിവരാണ് മറ്റ് താരങ്ങൾ.
ഷറഫുദ്ദീൻ നൈല ഉഷ എന്നിവർ കേന്ദ്രകഥാപാത്രമായിയെത്തിയ ചിത്രം പ്രിയൻ ഓട്ടത്തിലാണ് മനോരമ മാക്സ് സെപ്റ്റംബര്‍ 2 നു റിലീസ് ചെയ്തു. ഇന്ത്യയിൽ മനോരമ മാക്സിലൂടെയും ഇന്ത്യക്ക് പുറത്ത് സിംപ്ലി സൗത്തിലൂടെയുമാണ് ചിത്രം സംപ്രേഷണം ചെയ്യുന്നത്.
കിച്ച സുദീപിനെ നായകനാക്കി അനൂപ് ഭണ്ഡാരി സംവിധാനം ചെയ്ത ഫാന്‍റസി ആക്‌ഷൻ ചിത്രം വിക്രാന്ത് റോണ സീ5-ലൂടെ സെപ്റ്റംബർ 2-നു എത്തി . മലയാളത്തിൽ ഡബ്ബ് ചെയ്തുള്ള പതിപ്പ് ഉൾപ്പടെ അഞ്ച് ഭാഷകളിലാണ് ചിത്രം സീ5 പ്ലാറ്റ്ഫോമിൽ റിലീസ് ചെയ്തിരിക്കുന്നത്. 3-ഡിയിൽ എത്തിയ ചിത്രത്തിന്റെ ഛായാഗ്രഹണം നിർവഹിച്ചത് വില്യം ഡേവിഡ് ആണ്. ആഷിക് കുസുഗൊള്ളി ആണ് ചിത്ര സംയോജനം. മികച്ച വിഎഫ്എക്സും സ്റ്റണ്ട് കൊറിയോഗ്രഫിയുമാണ് സിനിമയുടെ എടുത്തുപറയേണ്ട പ്രത്യേകത.
ജോഷിയും സുരേഷ് ഗോപിയും ഏഴ് വർഷങ്ങൾക്ക് ശേഷം വീണ്ടും ഒന്നിച്ച ചിത്രം പാപ്പന്‍ സീ 5 ലൂടെ സെപ്റ്റംബര്‍ 7 നു റിലീസ് ചെയ്തു. വൻ വിജയമായ പൊറിഞ്ചു മറിയം ജോസിന് ശേഷം ജോഷി ഒരുക്കിയ ചിത്രം സുരേഷ്ഗോപിയുടെ കരിയറിലെ 252-ാമത്തെ ചിത്രംകൂടിയായിരുന്നു. ചിത്രത്തില്‍ എബ്രഹാം മാത്യു മാത്തൻ ഐപിഎസ് എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്. ഗോകുല്‍ സുരേഷും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ജോണ്‍ എബ്രഹാം നായകനായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രമാണ് ‘ഏക് വില്ലൻ റിട്ടേണ്‍സ്’. ചിത്രം നെറ്റ്ഫ്ലിക്സ് സെപ്റ്റംബർ 9-നു റിലീസ് ചെയ്തു. അര്‍ജുൻ കപൂറും പ്രധാന വേഷത്തില്‍ എത്തിയ ചിത്രം മൊഹിത് സുരി ആണ് സംവിധാനം ചെയ്‍തത്. ദിഷ പഠാണിയും താര സുതാരിയയുമാണ് നായികമാര്‍.
