അൽ ഖായിദ തലവൻ സവാഹിരിയെ യുഎസ് ഡ്രോൺ ആക്രമണത്തിൽ വധിച്ചു.

വാഷിങ്ടൻ: ഭീകര സംഘടനയായ അൽ ഖായിദയുടെ തലവനും 2001 സെപ്റ്റംബർ 11 -ലെ വേൾഡ് ട്രേഡ് സെന്റർ ആക്രമണത്തിന്റെ സൂത്രധാരനുമായ അയ്മൻ അൽ സവാഹിരിയെ ഡ്രോൺ ആക്രമണത്തിൽ വധിച്ചതായി യുഎസ് പ്രസിഡന്റ് ജോ ബൈഡൻ. അഫ്ഗാനിസ്ഥാൻ തലസ്ഥാനമായ കാബൂളിൽ ശനിയാഴ്ച നടത്തിയ ഡ്രോൺ ആക്രമണത്തിലാണ് സവാഹിരിയെ വധിച്ചത്. തീവ്രവാദത്തിനു എതിരെ അമേരിക്ക നടത്തിയ ധീരമായ നടപടിയാണ് ഇതെന്ന് ബൈഡൻ പറഞ്ഞു. ടെലിവിഷനിലൂടെയാണ് ഇക്കാര്യം യുഎസ് പ്രസിഡന്റ് വെളിപ്പെടുത്തിയത്.