സിഡ്നിയിൽ ഭൂചലനം അനുഭവപ്പെട്ടു

സിഡ്നി: വെള്ളിയാഴ്ച രാത്രി പടിഞ്ഞാറൻ സിഡ്നിയിൽ 3.6 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു.പെൻറിത്തിൽ രാത്രി 9 മണിക്ക് മുമ്പാണ് ഭൂചലനം ഉണ്ടായതെന്ന് ജിയോസയൻസ് ഓസ്‌ട്രേലിയ സ്ഥിരീകരിച്ചു. സിൽവർഡെയ്ൽ, ഓർച്ചാർഡ് ഹിൽസ്, ബ്ലൂ മൗണ്ടൻസ് എന്നിവിടങ്ങളിലും ഭൂചലനം അനുഭവപ്പെട്ടു. എവിടെ നിന്നും കാര്യമായ പ്രത്യാഘാതങ്ങളൊന്നും റിപ്പോർട്ട് ചെയ്തിട്ടില്ല. ഭൂചലനത്തെ തുടർന്ന് സുനാമി ഭീഷണി ഉണ്ടായിരുന്നില്ല.