പെർത്: പെർത്തിൽ ഒരാളെ കത്തി കൊണ്ടു കുത്തിയശേഷം തടയാനെത്തിയവർക്കുനേരെ തിരിഞ്ഞ പതിനാറുകാരനെ പൊലീസ് വെടിവച്ചു കൊന്നു. വില്ലെറ്റനിലെ ബണ്ണിങ്സ്സിനു മുന്നിലെ പാർക്കിങ് സ്ഥലത്ത് ശനിയാഴ്ച രാത്രിയായിരുന്നു സംഭവം. പുറത്തു കുത്തേറ്റ യുവാവ് ആശുപത്രിയിലാണ്. തീവ്രവാദ ആശയങ്ങൾ പിന്തുടരുന്നയാളാണ് അക്രമിയെന്നു പൊലീസ് പറഞ്ഞു. ഇയാളുടെ കൂട്ടാളികളെ ചോദ്യം ചെയ്തുവരുന്നു.
കഴിഞ്ഞ മാസം 15-ന് സിഡ്നിയിലെ അസീറിയൻ ഓർത്തഡോക്സ് സഭ ബിഷപ്പിനെ പള്ളിയിൽ ശുശ്രൂഷയ്ക്കിടെ ഒരാൾ കത്തികൊണ്ട് ആക്രമിച്ചിരുന്നു. ഇതിനു മൂന്നു ദിവസം മുൻപ് സിഡ്നിയിലെ ബോണ്ടി സൂപ്പർ മാർക്കറ്റിൽ കത്തിയാക്രമണത്തിൽ 6 പേരാണു കൊല്ലപ്പെട്ടത്.
