ബ്രിസ്‌ബെയ്ൻ : പരിശുദ്ധ പരുമല തിരുമേനിയുടെ നാമത്തിലുള്ള ഗോൾഡ് കോസ്റ്റിലെ ദേവാലയത്തിലെ ആദ്യ വിശുദ്ധ കുർബാന ഇടവക മെത്രപൊലീത്ത അഭിവന്ദ്യ ഡോ. യുഹാനോൻ മാർ ദീയസ് കൊറോസിന്റെയും, നവാഭിഷിക്ത മെത്രാപ്പൊലീത്ത അഭിവന്ദ്യ ഗീവർഗീസ് മാർ പീലക്സിനോസിന്റെ മുഖ്യകാർമികത്വത്തിൽ നടത്തപ്പെടുകയുണ്ടായി. ഗോൾഡ് കോസ്റ്റ് ലെയും പരിസരപ്രദേശങ്ങളിലെയും അനേകമാളുകൾ വിശുദ്ധ കുർബാനയിൽ പങ്കെടുത്തു. ബ്രിസ്ബ്രെയ്ൻ സെന്റ്. ജോർജ് ഓർത്തഡോക്സ് പള്ളി മുൻ വികാരി റവറന്റ്. ഫാദർ. ജാക്സ് ജേക്കബും, വികാരി റവറന്റ്. ഫാദർ. ലിജു സാമുവലും അഭിവന്ദ്യ തിരുമേനി മാരോടൊപ്പം വിശുദ്ധ കുർബാനയ്ക്ക് നേതൃത്വം കൊടുത്തു.അഭിവന്ദ്യ മെത്രാപ്പൊലീത്തമാർക്കും, ബഹുമാനപ്പെട്ട അച്ഛന്മാർക്കും, കൂടി വന്ന ജനങ്ങൾക്കും പരിശുദ്ധന്റെ നാമത്തിൽ ഇടവക വികാരി റവറന്റ്. ഫാദർ. ഷിനു ചെറിയാൻ നന്ദി രേഖപ്പെടുത്തി. മാസത്തിലെ ഒന്നും മൂന്നും ശനിയാഴ്ചകളിൽ വിശുദ്ധ കുർബാനയും, സൺഡേ സ്കൂളും ഉണ്ടാകുമെന്ന് ഇടവക വികാരി റവറന്റ്. ഫാദർ. ഷിനു ചെറിയാൻ അറിയിച്ചു.
കൂടുതൽ വിവരങ്ങൾക്ക്
റവറന്റ്. ഫാദർ. ഷിനു ചെറിയാൻ : 0422498356,
റോബർട്ട് കുര്യാക്കോസ് : 0405620369
ജേക്കബ് : 0449821231
