സിഡ്നി – സിഡ്നിയില് സംഘടിപ്പിക്കുന്ന ‘വരൻ സുന്ദരനാണ് ‘സിനിമാറ്റിക് സ്റ്റേജ് ഷോയുടെ ഒരുക്കങ്ങെളെല്ലാം പൂർത്തിയായതായി സംവിധായകൻ പ്രിൻസ് ജോർജും കോ -ഓർഡിനേറ്റർ പ്രശാന്ത് ജോർജും അറിയിച്ചു. കഴിഞ്ഞ നാലു മാസമായി നടന്നുവന്ന റിഹേഴ്സൽ ക്യാമ്പിന് ശനിയാഴ്ച പരിസമാപ്തിയാവും.ഏപ്രിൽ 2 ഞായറഴ്ച്ച വൈകിട്ട് 4 മണിക്കു റൂട്ടി ഹിൽ RSL ക്ലബ് ഓഡിറ്റോറിയത്തിൽ വെച്ചുനടക്കുന്ന ഈ സ്റ്റേജ് ഷോയിൽ എഴുപതിൽ പരം കലാകാരന്മാർ പങ്കെടുക്കും .നാടകം,സംഗീതം ,നൃത്ത ശില്പങ്ങൾ ,ചാക്ക്യാർ കൂത്ത് ,ഉപകരണ സംഗീതം തുടങ്ങിയ മേഖലകളെ കോർത്തിണക്കി ആധുനിക ശബ്ദ വെളിച്ച വിന്യാസങ്ങളുടെ അകമ്പടിയോടെ അവതരിപ്പിക്കപെടുമ്പോൾ ആസ്ട്രേലിയൻ മലയാള കലാരംഗത്തെ പുതിയ കലാ അനുഭവമായിരിക്കും എന്നു വിലയിരുത്തപ്പെടുന്നു .
ഡിസയർ മോർഗേജ് സൊല്യൂഷൻസും മൂവ് റിയൽറ്റിയുമാണ് ഷോയുടെ സ്പോൺസർമാർ. പരിമിതമായ ഗോൾഡ് ടിക്കറ്റുകൾ മാത്രം അവശഷിക്കുന്നതു കൊണ്ട് ടിക്കറ്റുകൾ ആവശ്യമുള്ളവർ എത്രയും പെട്ടന്ന് സംഘടകരുമായി ബന്ധപ്പെടേണ്ടതാണ്.
വാര്ത്ത: ജെയിംസ് ചാക്കോ