മെൽബൺ: മകരവിളക്കിനോടനുബന്ധിച്ചു മെൽബണിൽ നടക്കുന്ന സ്വാമി അയ്യപ്പന്റെ പടിപൂജയ്ക്കുള്ള ക്രമീകരണങ്ങൾ പൂർത്തിയായി വരുന്നതായി സംഘാടകർ അറിയിച്ചു. 41 ദിവസത്തെ കഠിന വ്രതശുദ്ധിയോടെ ഇരുമുടിക്കെട്ടുമായി എരുമേലിയിൽ പേട്ടതുള്ളി വാവരു സ്വാമിയെ തൊഴുതു പുണ്യനദിയായ പമ്പയിൽ കുളിച്ച് ഗണപതി പൂജ ചെയ്തു കാനന പാതയിലൂടെ നടന്നു നീലിമല കടന്നു ശരണഘോഷങ്ങളുടെ ഇരുമുടിക്കെട്ടുമായി പതിനെട്ടാംപടി ചവിട്ടി ശബരിഗിരി വാസനെ തൊഴുതു മാളികപ്പുറത്തമ്മയുടെ അനുഗ്രഹം തേടിയെത്തുന്ന ഭക്തർ ഒരു ജന്മം മുഴുവൻ അനുഗ്രഹം ലഭിക്കുന്നതായാണ് കരുതിവരുന്നത്.