മെൽബൺ: സീറോ മലബാർ സഭാ മക്കളുടെ ആഴമേറിയ വിശ്വാസവും സമർപ്പണ മനോഭാവവും ഓസ്ട്രേലിയായിലെ ഇതര ക്രൈസ്തവസമൂഹങ്ങൾക്ക് മാതൃകയാണെന്ന് പൗരസ്ത്യ സഭകൾക്കുള്ള തിരുസംഘത്തിന്റെ അദ്ധ്യക്ഷൻ കർദ്ദിനാൾ ലെയാനാർദോ സാന്ദ്രി. മെൽബൺ സെന്റ് തോമസ് സീറോ മലബാർ രൂപത നല്കിയ സ്വീകരണത്തിൽ പങ്കെടുത്ത് സംസാരിക്കുകയായിരുന്നു കർദ്ദിനാൾ സാന്ദ്രി. ബിഷപ്പ് ബോസ്കോ പുത്തൂരിന്റെ നേതൃത്വത്തിൽ കൂടുതൽ വളരുവാൻ ഓസ്ട്രേലിയായിലെ സീറോ മലബാർ രൂപതക്ക് സാധിക്കട്ടെ എന്ന് പിതാവ് ആശംസിച്ചു.ഡാൻഡിനോങ്ങ് സെന്റ് ജോൺസ് കോളേജിൽ എത്തിചേർന്നകർദ്ദിനാൾ ലെയാനാർദോ സാന്ദ്രിയ്ക്കുംമാർപ്പാപ്പയുടെ ഓസ്ട്രേലിയായിലെ സ്ഥിരം പ്രതിനിധി അഡോൾഫോ റ്റിറ്റൊ യലാന മെത്രാപ്പോലിത്തായ്ക്കും വിശിഷ്ട വ്യക്തികൾക്കും രൂപതാദ്ധ്യക്ഷൻ മാർ ബോസ്കോ പുത്തൂർ, വികാരി ജനറാൾ മോൺ. ഫ്രാൻസിസ് കോലഞ്ചേരി, മെൽബൺ സൗത്ത് ഈസ്റ്റ് ഇടവക വികാരി ഫാ. എബ്രഹാം കുന്നത്തോളി എന്നിവരുടെ നേതൃത്വത്തിൽ സ്വീകരണം നല്കി. തുടർന്ന് കോളേജ് ഓഡിറ്റോറിയത്തിൽ നടന്ന ദിവ്യബലിയിൽ മാർ ബോസ്കോ പുത്തൂർ മുഖ്യകാർമ്മികത്വം വഹിച്ചു. ഓസ്ട്രേലിയായിലെ ഇതര പൗരസ്ത്യ സഭാപിതാക്കന്മാരും രൂപതയിൽ സേവനം ചെയ്യുന്ന വൈദികരും സഹകാർമ്മികരായി. കർദ്ദിനാൾ ലെയാനാർദോ സാന്ദ്രി വചനസന്ദേശം നല്കി.
കത്തീഡ്രൽ ഇടവകയിലെ മതബോധന വിദ്യാർത്ഥികൾ അവതരിപ്പിച്ച രംഗപൂജയോടെ പൊതുയോഗം ആരംഭിച്ചു. സീറോ മലബാർ സഭയുടെയും ഓസ്ട്രേലിയായിലെ സീറോ മലബാർ രൂപതയുടെയും വളർച്ചാഘട്ടങ്ങൾ പ്രതിപാദിക്കുന്ന വീഡിയോ സദസ്സ് ഹർഷാരവത്തോടെ വരവേറ്റു.മാർ ബോസ്കോ പുത്തൂർ ചടങ്ങിൽ സ്വാഗതം ആശംസിച്ചു. സെന്റ് തോമസ് സൗത്ത് ഈസ്റ്റ് ഇടവക ദൈവാലത്തിനായി വാങ്ങിയിരിക്കുന്ന സ്ഥലം വിശ്വാസികൾക്കായി സമർപ്പിക്കുന്ന കർമ്മം അഭിവന്ദ്യ കർദ്ദിനാൾ ലെയാനാർദോ സാന്ദ്രി നിർവ്വഹിച്ചു. സീറോ മലബാർ ദൈവാലയങ്ങളിലെ കുട്ടികളുടെയും യുവാക്കളുടെയും വർദ്ധിച്ച പങ്കാളിത്തം ശ്ലാഘനീയമാണെന്ന് തുടർന്ന് പ്രസംഗിച്ച അഡോൾഫോ റ്റിറ്റൊ യലാന മെത്രാപ്പോലിത്ത അഭിപ്രായപ്പെട്ടു. 2017 നവംബർ മാസം രൂപതയുടെ നേതൃത്വത്തിൽ ഓസ്ട്രേലിയായിലെ വിവിധ പ്രദേശങ്ങളിൽ നടത്തപ്പെടുന്ന റെക്സ്ബാൻഡ് ഓസ്ട്രേലിയ-2017 ടിക്കറ്റുകളുടെ വിതരണം ഗ്രേറ്റർ ഡാൻഡിനോങ്ങ് മേയർ ജിം മേമെറ്റി പ്രധാന സ്പോൺസർമാരായ കാത്തലിക് സൂപ്പർ, ഫൈവ് സ്റ്റാർ പ്രോപ്പർട്ടീസ് എന്നിവയുടെ പ്രതിനിധികൾക്ക് നല്കി കൊണ്ട് ഉദ്ഘാടനം ചെയ്തു. പാസ്റ്ററൽ കൗൺസിൽ സെക്രട്ടറി ജീൻ തലാപ്പിള്ളിൽ കൃതഞ്ജത അർപ്പിച്ചു.
രൂപതാദ്ധ്യക്ഷൻ മാർ ബോസ്കോ പുത്തൂർ, വികാരി ജനറാൾ മോൺ. ഫ്രാൻസിസ് കോലഞ്ചേരി, ചാൻസിലർ ഫാ. മാത്യൂ കൊച്ചുപുരയ്ക്കൽ, സൗത്ത് ഈസ്റ്റ് ഇടവക വികാരി ഫാ. എബ്രഹാം കുന്നത്തോളി എന്നിവരുടെ നേതൃത്വത്തിൽ വിവിധ കമ്മിറ്റികളുടെ കൂട്ടായ പ്രവർത്തനം ചടങ്ങുകൾ മനോഹരമാക്കുന്നതിൽ മുഖ്യ പങ്കുവഹിച്ചു. റോമൻ കൂരിയായിൽ നിന്നുള്ള പ്രതിനിധികളുടെ പ്രഥമ രൂപത സന്ദർശനം സംഘാടക മികവു കൊണ്ട് ശ്രദ്ധേയമായി.
റിപ്പോർട്ട്: പോൾ സെബാസ്റ്റ്യൻ
LATEST UPDATES
ഗ്രേറ്റർ ജീലോങ്ങ് മലയാളി അസോസിയേഷൻ ഗ്രാൻഡ് ഈസ്റ്റർ–വിഷുദിനാഘോഷം
ജീലോങ്ങ്: ഗ്രേറ്റർ ജീലോങ്ങ് മലയാളി അസോസിയേഷൻ നടത്തിയ ഗ്രാൻഡ് ഈസ്റ്റർ വിഷുദിനാഘോഷം 2024… ∞
ഇറാന് തിരിച്ചടി നൽകുമെന്ന് ഇസ്രയേൽ; പ്രതിരോധ നീക്കങ്ങൾ ഇറാൻ ആരംഭിച്ചു.
ജറുസലം: സിറിയയിലെ നയതന്ത്രകാര്യാലയം ആക്രമിച്ച ഇസ്രയേലിന് ഇറാൻ തിരിച്ചടി നൽകിയതും അതിനു പകരംവീട്ടുമെന്ന്… ∞
ഓസ്ട്രേലിയയില് നിന്നുള്ള ആദ്യ മലയാളം വെബ് സീരീസിന് മലയാളിയായ ജോയ് കെ. മാത്യു തുടക്കം കുറിച്ചു.
കൊച്ചി: ഓസ്ട്രേലിയയില് നിന്നുള്ള ആദ്യ മലയാളം വെബ് സീരീസിന്റെ ചിത്രീകരണത്തിന് തുടക്കമായി. 'ഗോസ്റ്റ്… ∞
ലോക സഞ്ചാരിയായ സംഗീതജ്ഞൻ..
കൊച്ചി തൃപ്പുണിത്തറയിൽ പ്രശസ്ത ഗായകനും സംഗീത സംവിധായകനുമായ കെ. ജി. ജയൻ അന്തരിച്ചു… ∞
ബോഡി ബിൽഡിങ് മൽസരത്തിൽ അപൂർവ നേട്ടവുമായി മലയാളി യുവതി
മെൽബൺ: മെൽബണിൽ നിന്നുള്ള മലയാളി യുവതി ഓസ്ട്രേലിയയിലെ ദേശീയ ബോഡി ബിൽഡിങ് മൽസരത്തിൽ… ∞
അസീറിയൻ ബിഷപ്പിനെതിരായ ആക്രമണം: 15 -കാരൻ അറസ്റ്റിൽ; രാത്രി പ്രതിഷേധം.
സിഡ്നി: തിങ്കളാഴ്ച രാത്രി സിഡ്നിയിൽ ബിഷപ്പിന് നേരെയുണ്ടായ ആക്രമണം ഭീകര സംഭവമായി കണക്കാക്കുന്നതായി… ∞
സിഡ്നിയിലെ പള്ളിയിൽ ആരാധനയ്ക്കിടെ ബിഷപ്പിന് കുത്തേറ്റു.
സിഡ്നി: സിഡ്നിയുടെ പടിഞ്ഞാറൻ ഭാഗത്തുള്ള ഒരു പള്ളിയിൽ ആരാധനയ്ക്കിടെ ബിഷപ് മാർ മാരി… ∞
ഇറാന്റെ ഡ്രോണുകളും മിസൈലുകളും തകർത്തതായി ഇസ്രയേൽ; ആക്രമണം അവസാനിപ്പിച്ചെന്ന് ഇറാൻ.
ടെഹ്റാൻ: ഇറാനിലെ ഉന്നത സൈനിക ഉദ്യോഗസ്ഥരെ കൊലപ്പെടുത്തിയതിനു പ്രത്യക്ഷപ്രതികാരമായി ഇറാൻ ഇസ്രയേലിനെതിരെ ആക്രമണം… ∞
യുദ്ധഭീതിയിൽ പശ്ചിമേഷ്യ; ഇസ്രയേലിന് നേരെ ഇറാന്റെ ആക്രമണം; ഇറാൻ പിടിച്ചെടുത്ത കപ്പലിൽ മലയാളികളും.
ടെൽ അവീവ്: ഇറാൻ ഇസ്രായേലിനു നേരെ ആക്രമണം ആരംഭിച്ചതായി വാർത്താ ഏജൻസികൾ റിപ്പോർട്ട്… ∞
ഐശ്വര്യ കാഴ്ചകളുടെ കണിയൊരുക്കി വിഷു ആഘോഷിക്കാൻ മലയാളികൾ
ഐശ്വര്യത്തിൻ്റെയും സമ്പൽസമൃദ്ധിയുടെയും പ്രതീക്ഷകൾ പങ്കുവച്ച് ലോകമെങ്ങുമുള്ള മലയാളികൾ ഇന്ന് വിഷു ആഘോഷിക്കുന്നു. മലയാളമാസം… ∞